Google+ Account Data Download Aur Delete Kaise Kare

Hello friends… pichhale post me hamne baat ki thi ki Google+ jald hi band ho raha hai. Hamne apko ye bhi bataya tha ki ye Google Product kyu band ho raha hai, aur us post me hamne ye bhi bataya tha ki agar aap Google+ user hai to aap ko kya karna chahiye? Agar apne vo post padhi hai to apko pata hi hoga ki sabse pahle apko Google+ Se Apna Profile Data Download karna hai uske baad apna Google+ Account Delete karna chahiye.

Google+ Ka Data Download Karna Kyu Jaruri Hai? Apke man me bhi ye sawal aata hi hoga. To chaliye pahle ye jaan lete hain ki Google+ Account Se Data Save Kyu Kare? Uske baad Google+ Data Download Kaise Kare janenge fir account delete karne ki jankari denge.

google-plus-account-ka-data-download-karne-ka-tarika

Kya Data Download Karna Zaroori Hai?

Agar apko ye sawal sata raha hai ki Kya Google+ Download Karna Zaroori Hai? To ham apko saaf kah rahe hai ki zaroori nahi hai, lekin unke liye. Jo Google ke is product me kuchh khas activity nahi rakhte ho. Lekin agar apne Google Plus me apna page banaya hai ya koi photo jo abhi apke paas nahi hai lekin Google+ profile me hai. To apko Google+ Data save karne ki zaroorat hai.

Jaise -:

  • Agar apne koi aisi photo upload ki ho, jo ab apke pas nahi hai. To vo data download kar ke paa sakte hai.
  • Agar apne koi brand page banaya tha aur usme posts, comments kiye the. To vo data ke jariye aapke paas rahega.
  • Photos ke saath-saath, apke posts comments bhi Google+ Data Download karne se mil jayenge.

Ye to kuchh chhoti moti wajah hai Google Plus account data download karne ke. Ham to Apna Google+ Profile Data Download zaroor karenge. Kyonki hamne wahan apni likhi hui shayari aur photos post kiye the. Lekin agar apke paas aisi koi wajah nahi, to apko data save rakhne ki koi jarurat nahi hai. Ab agar apko lagta hi hai ki apko Google Plus se data download kar lena chahiye. To chaliye Google+ Account Data Download Karne Ka Tarika jante hai.

Data Download Kaise Kare (Step By Step)

Sabse pahle aap is google+ data download page (apko sign-in ke liye puchhe to sign in ho jaye) open kijiye.

select-google-product-to-download-data

Aap aise page me pahunchenge.

  1. Apko jo data chahiye. Use is option se select kar lijiye.
  2. Is icon me click kar ke aap kon-kon se data chahiye. Vo select kar sakte hai.

download-your-google-plus-data-selecte-items

Us icon par click karne se ye saare options khul jayenge.

  1. Agar aap sirf selected data hi download karna chahte hain. To yahan click kijiye.
  2. “Selected items” par click kijiye.
  3. “Selected items” par click karne ke baad new page me ye saare options milenge. Ab apna Google+ Stream Data Select kijiye.
  4. Ab “OK” kijiye.
  5. Ab “Next” par click kijiye.

google-plus-download-your-create-archive

Ab apko aisa page milega.

  1. Yahan aap Data File Type select kar dijiye. Zip file jyada sahi rahega. Zip file kya hai aur kaise open kare? Is par ham pahle hi post likh chuke hai.
  2. Yahan Data File Size select kijiye. Apko kitna size select karna hai? Ye apke Google+ activity par depend karta hai. Agar aap per day 1 posts aur comments karte the. To 1 saal ki activity ke liye 2GB perfect hai.
  3. Yahan aap Data File Location check kar sakte hai ki vo apka data kahan bhejenge.
  4. Ab finally “CREATE ARCHIVE” par click kar de.

google-plus-account-your-data-manage-archives

Ab apka kaam khatm hua. Google jaldi hi Apka Google+ Data Download Link taiyar kar ke apko email kar dega. Wahi apke data ka downloading link hoga. Jahan par apko download link par click karna hai. Click karte hi aap Manage Archives page me chale jayenge aur yahin se apko apni Google+ ki activities save karni hai.

Manage Archives page me apko, apne data ka status pata chal jayega. Jaise vo download link taiyar hua hai ya nahi. Agar vo data taiyar nahi hua hoga to apko upar 👆 image ke anusar najar aayega, agar taiyar ho jayega to downloading bhutto milega. Apka Google Plus Data taiyar hone me jyada waqt lag sakta hai. So wait kare.

Account Kaise Delete Kare?

Friends yahan aapko chinta karne ki koi jarurat nahi hai. Kyonki aapka account khud Google delete kar dega. Hamne khud apna account delete karne ki, koshish ki. Lekin hame account delete karne ka page hi nahi mila. Bas ye suchana mili ki Google+ remove ho jayega. To aap bhi apna time west naa kare. Apna Data apne paas safe kar lene ke baad, Google Plus ko bhul jaiye.

Apne is post me jankari li ki Google+ Account Data Kaise Download Aur Delete Kare. Hamare post se agar apko madad mili ho. To jarur shere kare.

Leave a Comment