Low RAM Vale Mobile Se Blogging Kaise Kare Easily

Hello friends…aaj bhi bahte logon ke pas PC (computer) nahi hai. Bas ek 1GB ya 2GB RAM wala android phone hota hai. Lekin vo blogger banana chahate hain. Mobile me blogging karna mumkin hai. Lekin ye un logon ke liye jyada aasan hai. Jinke paas, kam se kam 3GB RAM android phone ho. To aaj ham aapko yahi batayenge ki low RAM vali mobile me easly blogging kaise kare? Sirf 1GB RAM phone me blog manage kaise kare?
kam-ram-vale-mobile-me-blogging-kaise-kare-easily-blog-manage-karne-ka-tarika
Jab hamne blogging start ki thi. Tab mere paas sirf 512MB ka android phone tha. Or isi phone me hamne 1.50 saal blogging ki. Abhi mere pas 3GB RAM ka mobile hai. Abhi hame blog manage karne me, utni pareshani nahi hoti. Lekin hame yaad hai ki ham kaise us waqt blogging karte the. Baar baar phone ka hang ho jana, phone ko baar baar restart karna, or har mahine phone ko reset karna, yahi silsila chalta rahata tha.

Kyunki us waqt hame koi guideg karne wala nahi tha. Or internet par bhi sirf aise post maujud the. Jo apko blogging ke liye 10 important apps ke bare me batane wali post hi milti thi. Jo ki 512MB wale phone me mumkin nahi tha. Lekin mere readers ko in problems se nahi gujarna hoga. Ab ham achchi tarah jante hain ki kam RAM vale phone par blog manage kaise karte hai? Or ap vistar se padhiye.

Use Minimum Apps

Sabse badi problem ki wajah hi ye hai ki blogging ke liye. Istemal ki jane wali har chij ke liye app ka use karte hain. Jabaki kaafi sare kaam aap online hai kar sakte hain. Uske liye aapko app download karne ki koi jarurat nahi hai.
  • Blogger app: bahut logon ko hamne dekha hai ki vo blogger app install rakhte hain. Sirf post likhane ke liye. Jabaki post aap online bhi likh sakte hain. Bahut log aisa kah sakte hain ki blogger app me offline post writing kar sakte hain. Lekin offline post likhane ke liye aap phone ka diya hua default notepad bhi to use kar sakte hain. Or hamesha blogger me hi likhiye. Lekin Chrome ke last update ke bad, blogger me post likhna bahut mushkil ho gaya hai. To isake liye aap online HTML editor tool ka use kijiye. Yahan ap sab kuchh kar sakte hain. Sirf image apko blogger me hi upload karna hoga. Sab kuchh karne bad aap HTML code ko blogger HTML section me paste kar lijiye. Aapki post bina kisi mushkil ke taiyar ho jayegi.
  • Zip file extractor: blogger ke liye template zip file me hi download hoti hai. Or kuchh favicon generator website bhi zip file me favicon banakar deti hai. Lekin ye chijen har roj download karne vali to hoti nahi. To zip file extractor download karne ka kya matlab? Aap online bhi zip file open kar sakte hain. Hamne "online zip file open kaise kare" post me iski puri jankari di hai.
  • Analytic app: jab aap online analytic check kar hi sakte hain. toh aapko iska analytic app istemal karne ki kya jarurat hai? Aapko jab bhi time mile. Ek ya do dinon me online analytic check kiya kijiye.
  • AdSense app: aapko iski bhi koi zaroorat nahi hai. Aap adsense ko bhi online check kar sakte hain.
  • Quora app: ye ek best forum hain. Jisme aapko active rahna chahiye. Lekin Quora me app online bhi active rah sakte hain. Aapko app download karne ki koi jarurat nahi hai.
Baat seedhi si hai. Ki jo kaam aap online kar sakte hain. Use aap online hi kare.

USE Online Tools/Websites

Blogging me aapki help karne ke liye bahut sare online to the website hai Jinka aapko use karna chahiye.
  • Post writing: blog post aap blogger me online hi likhiye. Agar aapko blogger me post likhne me pareshani hoti hai. To Upar hamne jis HTML Editor tool ke bare me bataya hai. Uska istemal kariye. Agar aap offline ho part writing karna chahte hain. To phone ka default Notepad hi istemal kare.
  • Image compressor: Apne blog ki loading speed ko control karne ke liye. Hame Apne blog me sare images ko compress karke upload karna padta hai. To image compress karne ke liye. Aap online image compressor ka use kijiye. Iske bare me hamne "SEO friendly image kaise banaye" post me iski puri jankari di hai.
  • Online notepad: post likhate hi time hame ek notepad ki bhi jarurat padti hai. Jaise keywords note karne ke liye ya kuch or. Agar ham default notepad ka use kar rahe honge. To is app se us app par jump karna padega. Jisse kam RAM vala phone hang ho sakta hai. To iske liye aap rapidtables online notepad ka use kijiye. Isme aap jo bhi likhte hain. Vo save rahti hai.
Jab kisi kam ke liye, online tool ya website moujud na ho. Tab hi kisi app ka istemal kijiye.

Most Important Apps

Ab tak hamne apps na istemal karne ki baat ki. Lekin ab aapko un aaps ke baare me batate hain. Jin ka istemal aapko karna hi padega. Kyunki ye jaruri hai.
  • Chrome browser: phone se blogging karne ke liye chrome browser best hai. Isme online post likhna, UC browser ke mukabale jyada aasan hota hai.
  • Puffin browser: bilkul PC ke jaise blog manage karne ke liye. Aapko puffin use karna chahiye. Chrome browser me ap sab kuch kar sakte hain. Lekin online template editing or widget move nahi kar sakte. Ye kaam karne ke liye puffin browser best hai. (Is app ki jarurat kabhi-kabhi hi padti hai. To use karne ke bad, uninstall kar sakte hain)
  • ES file explore: yeh ek multitasking app hai. Isme aap zip file ko unzip kar sakte hain. Template edit kar sakte hain. Isme notepad bhi milta hai. Yani ki ek hi app se, apko 3 fayde milte hain.
  • Dropbox/Google Drive: Ye dono hi free hosting app hai. Jiska use ham bloggers ko, apni jaruri files ko safe rakhe ke liye karna chahiye. Dropbox ka use kaise kare? Iski jankari to hamne bahut pahle ki dedi hai. Google drive bhi bilkul dropbox jaisa hai. Agar apke phone me by default Google drive app na ho. Tabhi dropbox ka use kare. Lekin ek baat, bata de. Blogger me upload ki gayi images drive app me hi automatic save hoti hai.
  • Photo Editor: blog image banane ke liye. Hame ek photo editor to rakhna hi padega. Lekin friends, PicsArt 35MB ka app hai. Jo low RAM capacity wale mobile me hang kar sakta hai. Isaliye aap mera bataya Photo Editor hi use kijiye. Ye sirf 5.1MB ka hai. Aapke phone ke liye bilkul perfect hai.
In apps ki jagah, koi bhi online tools websites nahi le sakti. To apko ye use karna hi padega. Mere 526MB RAM wale phone me blogging manage aise hi karte the.
To friends… ye the mere kuchh experience. Jiske aadhar par hamne aapko ye bataya ki low RAM mobile me blogging kaise kare easily. Hame ummeed hai ki ab aap aaram se kam RAM vale phone me blog manage kar payenge.
Low RAM Vale Mobile Se Blogging Kaise Kare Easily Low RAM Vale Mobile Se Blogging Kaise Kare Easily Reviewed by Hansa Juhi Rani on August 07, 2018 Rating: 5

No comments

Comment approval milne ke baad dikhai dega. Comment karte waqt "Notify me" par ✔ laga de. Isase apko mere reply ka notification gmail address par mil jayega.