Blog Ke Liye Stylish Logo (Online) Kaise Banaye

blog-ke-liye-stylish-logo-online-kaise-banaye


Hello friends… Blogging ke liye aap chahe Blogger platform ka use kar rahe ho ya WordPress ka. Blog bana lene ke baad sabse pahli chij aati hai use design karne ki, aur designing me sabse pahle baat aati hai Website Header Logo ki. To is post me ham aapko Blog Ke Liye Logo Kaise Banaye, ye batayenge.



Stylish Logo banana bahut aasan prakriya hai. Lekin jo log image editing nahi jante. unke liye ye chhota kaam bhi bahut bada hai. Isliye is post me ham apko Free Online Logo Maker ke jariye, Logo Generate karna aur design karna batayenge.


What Is Logo

Logo Kya Hai (What Is Logo): Logo ek tarah se, kisi bhi sansthan, vyavasay, udyog ya website, ke naam ko design karke ya stylish tarike likhkar banaye gaye image ko kahte hain. Kyonki ye us kaam ya sangathan ke pratik banane ka kaam karti hai. Aap ise us vyakti ya sansthan ka chehara bhi kah sakte hain.



Logo Ka Design, rang-rup aur aakar (pixel size) ye sab is baat par depend karte hain ki aap kis website ya social media ke liye Logo bana rahe hain. Jaise ki agar aap blog ke liye logo ka size 662×168 (only for example) hota hai. Matlab chaudai (width) jyada aur height (lambai) kam.



Lekin agar ham YouTube Logo ki baat kare to vo charon taraf se barabar hoti hai. Yaani ki 1200×1200. Isi prakar se YouTube thumbnail aur YouTube Channel Art ke size bhi alag-alag hota hai. Facebook page Logo aur cover photo size bhi alag-alag hota hai.



Isi prakar jis ke liye Logo Design kiya ja raha hai. Usi ke anurup, uska rang, roop aur akar-prakar decide kiya jata hai. Logo Image ke liye PNG format ko, ideal format mana gaya hai. Kyunki ye format transparent hoti hai aur website ke background colour ke hisab se adjust ho jati hai.


Logo Design Kaise Kare

Logo Design Kaise Kare? Jyadatar log, jo designing ka kaam nahi jante hain. Unhe bahut pareshani hoti hai. Isaliye ham apko kuchh Logo Design Ideas de rahe hai. Taki aap samajh sake ki apko apne Blog Ke Liye Kaisa Logo Banana Chahiye? ham kuchh basic Ideas de rahe hain. vo zindgi bhar apke kaam aayegi.


Logo Design Ideas


  • Blog Theme ke primary colour par dhyan de. Aur logo ke rang me primary theme colour aur second primary colour ka use kare.
  • Website ka header background (mobile aur desktop dono ka) colour check kijiye. Usi ke anusar logo ka main colour rakhe.
  • Kam se kam 2 aur jyada se jyada 3 rangon ka hi istemal kare.
  • Colour choose kar lene ke baad, ab apko font family select kar lijiye.
  • Aap do fonts family bhi use kar sakte hain. Lekin ye dhyan jarur rakhen ki dono fonts family ek dusre ko complete karte hain.
  • Ab apko koi ek shape choose karna hai. Jiske istemal se aap logo design kar payenge.

Ye tips unke liye hai. Jo khud Logo Maker App me, Logo Create karte hain. Ye bahut simple tarika hai kisi bhi tarah ke logos banane ke liye.


Online Stylish Logo Kaise Banaye

Is Online Logo Maker Tool ka istemal aap mobile aur computer dono me kar sakte hain. Pahle cooltext.com me chale jaiye. Yahan bahut sare designs, font familes maujud hai.


online-logo-kaise-banaye



Ab thoda niche jane par apko bahut sara designs dikhenge. Jo pasand aaye, us par click kare.


online-logo-design-kaise-karen


  1. Yahan apne website ka naam likhe.
  2. Yahan se font family select kar lijiye.
  3. Yahan par text size set kar lijiye.

Ab agar aap logo me kisi icon ko jodna chahate hain. To Add Symbol par click kare.



online-stylish-logo-design-kaise-banaye


Ab jaisa ki aap dekh rahe hain ki yahan ek icon aur ek text hai. To jab aap icon edit karna chahe, tab icon select kare aur jab text edit karna ho tab text select kare.


Aap yahan par "X" bhi dekh rahe honge. Iska matlab ye hai ki har ek alphabet se icon design change ho jata hai. Yaani ki agar aapko aisa hi koi dusra icon chahiye. To aap dusre alphabets likhkar check kar sakte hain.


mobile-me-logo-kaise-banaye


Is image me hamne text select kar ke rakha hai.


  1. Logo par jagen. Is option se aap colour change kar sakte hain. Apne website ke header ke anusar colour rakhiye.
  2. Yahan colour select kijiye ya HTML colour code likhiye.
  3. Ab shadow par jaiye.

stylish-logo-kaise-banate-hai


Ye bahut important setting hai. Yahi se aap apne Logo ko Style de sakte hai. Shadow ka matlab parchhai hota hai.


  1. Yahan aap shadow ka dhundhlapan set kar sakte hain.
  2. Yahan shadow ki najdiki aur duri set kar sakte hain.
  3. Yahan shadow ka colour aur uski gaharai set kar sakte hain.
  4. Ye sab karne ke baad Image par jaiye.

mobile-me-logo-kaise-banaya-jata-hai


  1. Yahan image position set kijiye.
  2. Yahan chaudai set kijiye.
  3. Yahan height set kijiye.
  4. Yahan PNG format set kijiye.
  5. Ab Composite select kijiye.

how-to-create-professional-logo


  1. Yahan se aap dusra logo add kar sakte hai. Ye option un logo ke liye important hai. Jinhen Facebook page ya other things ke liye logo bana rahe ho.
  2. Yahan se aap layers ko aage, pichhe ya remove kar sakte hain.
  3. Ab agar apko, apna Logo achha lag raha ho. Tab Create Composite par click kar dijiye.

online-logo-maker-and-free-download-without-sign-up


Apka blog ke liye professional logo taiyar ho chuka hai. Download par click kijiye.



Online Logo Maker

Waise to cooltext ek complete Logo Generator hai. Lekin ham apko kuchh aur Online Logo Maker Tools ke bare me bata rahe hain. Taki apke paas jyada options rahe.


  • freelogodesign.org: yahan par aap bahut khubsurat logos bana sakte hain. Lekin mobile me logo edit karna bahut mushkil hai. Lekin desktop ke liye ek acchi Logo Generator Website hai.
  • logogenie.net: ek bhi ek Free Logo Generator Tool hai. Lekin me bhi aapko mobile me designing karne mein bahut dikkat hogi aur aap yahan bhi Without Signup Logo Download nahi kar sakte.
  • logofactoryweb.com: is tool me Logo Create karna bahut aasan hai. Aur aap Without Registration Logo Download kar sakte hain.

Logo Maker App

Ham aapko jitne bhi Logo Maker App ke bare me batane wale hain. Khubsurat Professional Logo bana sakte hain. Lekin iske liye aapko ko us app ka acche tarike se istemal karna sikhna hoga. YouTube me aise kai saare videos hai. Jahan se aap in apps ka istemal karna seekh sakte hain.



Conclusion

To aakhir me yahi baat pata chalti hai ki aap mobile ya computer, dono me hi aaram se Online Logo Create kar sakte hain. Aur bahut sari Free Logo Maker Tools aisi Bhi hai jaha par aap bina Sign Up kiye Logo Download kar sakte hain. ham ummeed karte hain ki aapko Logo Design karne ke liye pareshan nahi hona hoga.


Post a Comment

8 Comments

  1. aap thoda se help kar skti hai to aap mujhe email par contect kare jpnarayan486@gmail.com

    ReplyDelete
  2. kya aap apne iss template ki xml file de sakti ho please

    ReplyDelete
  3. Aap Itni Creativity Lati Kha Se Ho, Or Kaise? Hum. Jab Designing Karte Hain To Samjh Nahi Aata Design Kaisi Ho Font Kaise Ho Dukhne Me Kaisi Logo Kaisa Ho? Hum Confuse Rahte Hain. Or Isi Wajah Se Kuch Nahi Kar Pate. Apki Hindi Bhut Achi Hai.

    ReplyDelete
    Replies
    1. Bahut bahut dhanyawad. Website design me ham bahut samay lagate hain. Kyonki vo ek hi bar karna hota hai. Isliye us par pura focus karke design karte hain.

      Delete